Plantun de Prouvènço

Pèr coumpara dos planto d'encò nostre

Iberis ciliata & Rhododendron ferrugineum

Iberis ciliata

Brassicaceae Cruciferae

Nom en français : Ibéris à feuilles ciliées.

Descripcioun :
L'ègo-di-fueio-cihado trachis dins li tepiero roucaiouso o sablouso subretout sus douloumito. Fai de grosso e bèllis enflourejado blanco o de cop que i'a roso. Se recounèis à si fueio cihado ; aquéli d'en bas soun en espatulo alor que li d'en aut soun bèn mai primo. La planto èi marcado sus la listo roujo, categourìo VU (vulnerablo).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 30 cm
Fueio : alterno
Tipe bioulougico : Emicriptoufite
Cicle bioulougico : Renadivo mounoucarpico

Gènre : Iberis
Famiho : Brassicaceae
Famiho classico : Cruciferae

Ordre : Brassicales

Coulour de la flour : Blanco
Petalo : 4
Ø (o loungour) flour : 1 à 2,5 cm
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun
Mai à juliet

Liò : Tepiero roucaiouso - Tepiero sablouso
Estànci : Mesoumediterran à Subremediterran
Couroulougi : Éurimediterrano-Ouèst
Ref. sc. : Iberis ciliata All., 1789

Rousage

Rhododendron ferrugineum

Ericaceae

Àutri noum : Bourgenc, Rousàgi, Labruìssa, Bouis-fèr.

Noms en français : Rhododendron ferrugineux, Laurier-rose des Alpes.

Descripcioun :
Lou rousage, apela peréu bourgenc pèr li gavot, es un aubret que vèn bèn sus li terraire safrous de mountagno i raro di darriés aubre. I'a pas pèr s'engana.

Usanço :
Es uno planto empouisounanto pèr l'ome coume li bèsti (fedo, cabro, abiho..). Li fueio secado fan susa, pissa, luchon contro lou mau d'os e proun enca. Li flour soun emplegado en Souisso pèr alesti la "tisano dóu maien", emé de flour d'erbo-de-la-pato, de pensèio-dis-Aup e peréu de brout de serento.